မန္တလေးမြို့တွင်ယာဉ်မတော်တဆဖြစ်ပွားမှုအခြေအနေသည်တစ်ရှိန်ထိုးတိုးတက်များပြားမှုမရှိဟုဆိုမန္တလေးမြို့တွင် တိုးတက်လာသည့် ယာဉ်စီးရေ၊လူဦးရေနှင့်မြို့ပြအနေအထားတို့အရ ယာဉ်မတော်တဆဖြစ်ပွားမှုအခြေအနေသည်တစ်ရှိန်ထိုးတိုးတက်များပြားမှုမရှိကြောင်းအမှတ်(၁၁)ဒုတိယယာဉ်ထိန်းရဲတပ်ဖွဲ့မှသိရသည်။“မန္တလေးမြို့ဟာတစ်နှစ်ထက်တစ်နှစ်လူဦးရေတိုးတက်လာတာနဲ့အမျှမော်တော်ယာဉ်နဲ့ဆိုင်ကယ်အစီးရေတွေကလည်းများပြားလာတယ်။ဒီလိုများပြားလာခဲ့ပေမယ့်ယာဉ်မတော်တဆဖြစ်ပွားမှုတွေကတိုးတက်လာခြင်းမရှိပါဘူး။နှစ်အလိုက်စံနှုန်းအရတိုးတက်များပြားလာသောယာဉ်အစီးရေကြောင့် ယာဉ်မတော်တဆဖြစ်ပွားမှုများဟာတိုးတက်ဖြစ်ပွားလာမယ်လို့မျှော်မှန်းနိုင်သော်လည်းလက်ရှိအခြေအနေမှာတော့ယာဉ်မတော်တဆဖြစ်ပွားမှုတွေဟာယာဉ်စီးရေနဲ့ဖြစ်ပွားမှုရာခိုင်နှုန်းနှိုင်းယှဉ်တွက်ချက်ကြည့်ပါက၂၀၁၃ခုနှစ်မှာ(.၀၅)ရာခိုင်နှုန်းဖြစ်ပွားပြီး၂၀၁၄ခုနှစ်မှာတော့(.၀၄)ရာခိုင်နှုန်းသာဖြစ်ပွားတဲ့အတွက်ယာဉ်မတော်တဆဖြစ်ပွားမှုအခြေအနေကလျော့နည်းကျဆင်းတယ်လို့ပြောလို့ရသလိုတစ်ရှိန်ထိုးတိုးတက်များပြားမှုမရှိဘူးလို့လည်းပြောလို့ရတယ်။ဒါကြောင့်ကျွန်တော်တို့ရဲ့ ယာဉ်စည်းကမ်းထိန်းသိမ်းရေးစနစ်ဆောင်ရွက်မှုတွေဟာအောင်မြင်အကျိုးဖြစ်ထွန်းတယ်လို့ ပြောလို့ရတယ်။ယာဉ်မတော်တဆမှုတွေရဲ့၇၅ရာခိုင်နှုန်းကမော်တော်ဆိုင်ကယ်ကြောင့်ဖြစ်ပွားမှုတွေများနေပြီးဖြစ်စဉ်တွေကို စိစစ်လိုက်တဲ့အခါညပိုင်း၆နာရီမှ၁၂နာရီအတွင်းအမျာဆုံးဖြစ်ပေါ်နေတာကိုတွေ့ရတယ်။ ဒါ့ကြောင့်ကျွန်တော် တို့ဟာ ညပိုင်းကိုဦးစားပေးပြီးစစ်ဆေးအရေးယူလျက်ရှိပါတယ်။”ဟုအမှတ်(၁၁)ဒုတိယယာဉ်ထိန်းရဲတပ်ဖွဲ့မှ ရဲမှူးသိန်းကိုကိုက ပြောသည်။မန္တလေးမြို့တွင် ၂၀၁၃ခုနှစ်က ကားအစီးရေ(၆၉၃၃၁)စီးသာရှိပြီး၂၀၁၄ခုနှစ်တွင်(၁၀၈၁၃၈)စီးအထိ ရှိခဲ့သည်။ မော်တော်ဆိုင်ကယ်မှာလည်း ၂၀၁၃ခုနှစ်ကအစီးရေ(၄၇၈၃၂၃)စီးရှိပြီး ၂၀၁၄ခုနှစ်တွင် (၆၆၃၈၉၉)စီး အထိ ရှိခဲ့ရာ၂၀၁၄ခုနှစ်တွင်မော်တော်ယာဉ်နှင့်မော်တော်ဆိုင်ကယ်စုစုပေါင်းယာဉ်အစီးရေ(၇၇၂၀၃၇)စီးအထိရှိခဲ့ကြောင်း အမှတ်(၁၁)ဒုတိယယာဉ်ထိန်းရဲတပ်ဖွဲ့၏ မှတ်တမ်းများအရ သိရသည်။“ကျွန်တော်တို့တပ်ဖွဲ့ဝင်အင်အားနဲ့ တိုးပွားလာတဲ့ယာဉ်စီးရေဟာမမျှတအောင်ပဲ တစ်အားများပြားနေတယ်။လူနှစ်ယောက်မှာဆိုင်ကယ်တစ်စီးနှုန်းအသုံးပြုနေတဲ့အနေအထားကိုမှတ်တမ်းအချက်အလက်တွေအရတွေ့ရတယ်။ တပ်ဖွဲ့ဝင်အင်အားနဲ့ ယခုရှိနေတဲ့ဆိုင်ကယ်အရေအတွက် ယှဉ်လိုက်ရင်တပ်ဖွဲ့ဝင်တစ်ဦးဟာဆိုင်ကယ်အစီးရေ(၃၇၀၀)ကိုယာဉ်စည်းကမ်း၊လမ်းစည်းကမ်းအတွက်ထိန်းသိမ်းပေးနေရသလိုဖြစ်နေတယ်။ဒီလိုဝန်နဲ့အားမမျှတဲ့အနေအထားဖြစ်နေတဲ့အတွက်ပြည်သူတွေအနေနဲ့ကကိုယ်စီအသိတရားရှိမှသာလျှင် ယာဉ်တိုက်မှုအန္တရာယ်ကကင်းရှင်းသွားမှာပါ။ နောက်ပြီး စည်းကမ်းမရှိလို့ဖမ်းဆီးအရေးယူပြီး ဒဏ်ငွေ ဆောင်ခိုင်း နေတယ်ဆိုတာကလည်းပြည်သူတွေနစ်နာအောင်လုပ်ဆောင်နေတာမဟုတ်ဘူး။ စည်းကမ်းလိုက်နာနိုင်အောင်လို့ ဆောင်ရွက်နေခြင်းဖြစ်ပါတယ်။ပြည်သူတွေစည်းကမ်းလိုက်နာနေရင် ကျွန်တော်တို့ အနေနဲ့ ဖမ်းဆီးတာလည်းမရှိဘူး။ ဒဏ်ငွေဆောင်ခိုင်းစရာလည်းမလိုပါဘူး။”ဟုယင်းကဆက်လက်ပြောကြား သည်။မန္တလေးတိုင်းဒေသကြီးတွင် ယာဉ်အစီးရေတိုးတက်များပြားလာသော်လည်းယာဉ်မတော်တဆ ဖြစ်ပွားမှုမှာ ၂၀၁၃ခုနှစ်ဇန်န၀ါရီမှ စက်တင်ဘာအထိယာဉ်မတော်တဆဖြစ်ပွားမှု၂၉၅မှုတွင် သေဆုံးသူ(၁၃၅)ဦးနှင့်ဒဏ်ရာရသူ(၃၉၄)ဦးရှိခဲ့ပြီး မော်တော်ဆိုင်ကယ်ကြောင့်ဖြစ်ပွားသောယာဉ်မတော်တဆမှု(၂၀၂)မှုတွင်သေဆုံးသူ(၉၄)ဦး၊ဒဏ်ရာရသူ(၂၃၄)ဦးပါဝင်ခဲ့သည်။၂၀၁၄ခုနှစ်ဇန်န၀ါရီလမှစက်တင်ဘာလအထိယာဉ်မတော်တဆမှု (၃၀၉)မှုတွင် သေဆုံးသူ(၁၃၆)ဦး၊ ဒဏ်ရာရသူ(၃၅၁)ဦး ရှိပြီးမော်တော်ဆိုင်ကယ်ကြောင့်ဖြစ်ပွားသော ယာဉ်မတော်တဆမှု(၂၃၄)မှုတွင်သေဆုံးသူ(၁၀၃)ဦး၊ ဒဏ်ရာရသူ(၂၄၂)ဦးပါဝင်ခဲ့ရာ ၂၀၁၃ခုနှစ်ထက်ယခုနှစ်သည် ယာဉ်မတော်တဆဖြစ်ပွားမှုမှာ လျှော့နည်းကျဆင်းနေသည်ကိုတွေ့ရသည်။အမှတ်(၁၁)ဒုတိယယာဉ်ထိန်းရဲတပ်ဖွဲ့ခွဲအနေဖြင့်မန္တလေးမြို့တွင်းယာဉ်လမ်းရှင်းလင်းရေးအတွက် မြို့တွင်း အချက်ပြမီးပွိုင့်(၃၂)နေရာ၊လမ်းဆုံလမ်းခွ(၁၉)နေရာ၊ကျောင်းလမ်းရှင်း(၁၅)နေရာတို့တွင် ယာဉ်ထိန်း အင်အား(၁၂၇)ဦးဖြင့်ဆောင်ရွက်လျက်ရှိသည်။ ထို့ပြင်ပြည်သူများယာဉ်စည်းကမ်း၊လမ်းစည်းကမ်းလိုက်နာစေ ရေးအတွက်မန္တလေးမြို့အတွင်းရှိရပ်ကွက်/လမ်းပိုင်းများအလိုက်ပူးပေါင်းစစ်ဆေးရေးအဖွဲ့(၃၁)ဖွဲ့ဖြင့်အချိန်ပိုင်းအလိုက်စစ်ဆေးအရေးမှုများပြုလုပ်လျက်ရှိရာ ၂၀၁၄ခုနှစ်စက်တင်ဘာလအထိ စည်းကမ်းပျက်မော်တော်ယာဉ်(၅၈၃၉)စီးတွင်အမှုပေါင်း(၅၉၅၇)မှုနှင့်မော်တော်ဆိုင်ကယ်(၄၃၉၈၇)စီးတွင်အမှုပေါင်း(၄၄၂၇၀)တို့ကိုဖမ်းဆီးအရေးယူနိုင်ခဲ့သည်။မန္တလေးမြို့အတွင်း ယာဉ်သွားလာမှုအဆင်ပြေချောမွေ့စေရေးအတွက်လည်းမီးပွိုင့်တပ်ဆင်ခြင်း၊ လမ်းပိုင်းချဲ့ထွင်ပြုပြင်ခြင်း၊လမ်းညွှန်အမှတ်အသားများတပ်ဆင်ခြင်းတို့အားတိုင်းဒေသကြီးအစိုးရအဖွဲ့လမ်းပန်းဆက်သွယ်ရေးဝန်ကြီးဌာန၊မန္တလေးမြို့တော်စည်ပင်သာယာရေးကော်မတီတို့နှင့်အတူပူးပေါင်းဆောင်ရွက်လျက်ရှိသည့်အပြင်မြို့ပြ၀န်ဆောင်မှုလုပ်ငန်းဖွံ့ဖြိုးတိုးတက်ရေးစီမံကိန်းတွင်ပါဝင်သောခရီးသည်တင်ယာဉ်လိုင်းပြေးဆွဲမှုစနစ်နှင့်သတ်မှတ်ဆိုင်ကယ်မောင်းနှင်သည့်လမ်းများတွင်ညပိုင်းအန္တရာယ်မဖြစ်အောင်ဓာတ်မီးတိုင်များ၌မီးလုံးများတပ်ဆင်ပေးရန်တို့ကို အကြံပြုတင်ပြထားကြောင်း သိရသည်။
posted from Bloggeroid
No comments:
Post a Comment